Git - kompüterinizdə GitHub ilə işləmək üçün istifadə olunan açıq mənbəli, versiyaların paylanmış nəzarət sistemidir. Bu kitabça, əmr sətri üçün əsas Git əmrləri və onların tətbiqi üzrə təlimatlardan ibarətdir.
GitHub, repozitarla əsas əməliyyatların icra edilməsi üçün qrafik interfeysli bir pəncərə proqramı və genişləndirilmiş iş ssenariləri üçün Git-in avtomatik yenilənən konsol versiyasını təqdim edir.
Linux və POSIX sistemləri üçün Git distribusiyalarını Git SCM rəsmi saytında tapa bilərsiniz.
İstifadəçi haqqında informasiyanın bütün lokal repozitarlar üçün konfiqurasiyası
$ git config --global user.name "[istifadəçi adı]"
Kommitlərinizdə müəllif sahəsində əks olunacaq adınızı təyin edir
$ git config --global user.email "[e-poçt ünvanı]"
Kommitlərinizin məlumat hissəsində əks olunacaq e-poçt ünvanınızı təyin edir
$ git config --global color.ui auto
Əmr sətrinin çıxışının faydalı rənglənməsini aktiv edir
Budaqlar - Git-lə işin mühüm hissəsidir. Etdiyiniz istənilən kommit hal-hazırda "giriş etmiş" olduğunuz budaqda ediləcək. Hansı budaqda olduğunuzu görmək üçün git status əmrindən istifadə edin.
$ git branch [budaq-adı]
Yeni budaq yaradır
$ git checkout [budaq-adı]
Göstərilən budağa keçir və iş qovluğunu yeniləyir
$ git merge [budaq-adı]
Göstərilən budağın tarixini cari budaqla birləşdirir. Bu, ümumiyyətlə dəyişikliklərin qəbul edilməsi sorğularında istifadə olunur, lakin vacib bir Git əməliyyatıdır.
$ git branch -d [budaq-adı]
Göstərilən budağı silir
Yeni bir repozitar ilə işə başlamaq üçün, bunu ya lokalda yaradıb sonra GitHub-a göndərməli və ya mövcud repozitarı klonlaşdırmalısınız. Hər repozitar üçün bu əməliyyatı sadəcə bir dəfə edəcəksiz.
$ git init
Mövcud bir qovluğu Git repozitarına çevirir
$ git clone [url]
GitHub-da mövcud olan repozitarı, bütün faylları, budaqları və kommitləri daxil olmaqla klonlaşdırır (yükləyir).
Bəzən, müəyyən faylları Git tərəfindən izlənmədən istisna etmək əlverişli ola bilər. Bu istisnalar adətən .gitignore adlanan xüsusi faylda yazılaraq təyin edilir. .gitignore faylları üçün faydalı şablonları github.com/github/gitignore ünvanında tapa bilərsiniz.
Lokal repozitarınızı Github.com-da olan repozitarınız ilə sinxronlaşdırın
$ git fetch
GitHub-da mövcud olan repozitarın bütün tarixçəsini yükləyir
$ git merge
GitHub-da mövcud olan repozitarı cari budaqla birləşdirir
$ git push
Lokal budaqda olan bütün kommitləri Github repozitarına göndərir
$ git pull
Cari işlək lokal budağı müvafiq Github budağından gələn bütün yeni kommitlərlə yeniləyir. git pull - git fetch və git merge əmrlərinin kombinasiyasıdır
Dəyişikliklərə baxış və kommitlərin yaradılması
$ git status
Bütün yeni və ya dəyişdirilmiş faylların siyahısını sadalayır
$ git log
Cari budaq üçün versiya tarixini siyahılayır
$ git log --follow [fayl]
Bir fayl üçün ad dəyişmələri də daxil olmaqla versiya tarixini siyahılayır
$ git diff [birinci-budaq]...[ikinci-budaq]
İki budaq arasındakı məzmun fərqlərini göstərir
$ git show [commit]
Müəyyən bir kommit üçün metadata və məzmun dəyişikliklərini göstərir
$ git add [file]
Göstərilən faylı sonrakı əməliyyatlar üçün indeksləyir
$ git commit -m "[izahlı mesaj]"
İndekslənmiş dəyişiklikləri versiya tarixinə yazır
Səhvlərin silinməsi və tarixin tənzimlənməsi
$ git reset [kommit]
Bütün dəyişiklikləri işçi qovluğunda saxlayaraq, göstərilən [commit]-dən sonrakı kommitlərin hamısını ləğv edir.
$ git reset --hard [kommit]
Bütün tarixi, işçi qovluğu daxil olmaqla ləğv edir və göstərilən kommitə qaytarır.
DİQQƏT! Tarixi dəyişdirmək xoşagəlməz yan təsirlərə səbəb ola bilər. GitHub-da mövcud olan kommitləri dəyişdirərkən ehtiyatlı olun. Əgər köməyə ehtiyacınız varsa, github.community və ya dəstəklə əlaqə saxlayın.
- git: açıq mənbəli, versiyaların paylanmış nəzarət sistemidir
- GitHub: git repozitarlarına ev sahibliyi və əməkdaşlıq üçün platformadır
- commit: bir Git obyekti, repozitarınızın SHA alqoritmi ilə sıxılmış bir görüntüsüdür
- branch (budaq): kommitlər üçün yüngül daşına bilən bir göstəricidir
- clone: bütün kommit və budaqları da daxil olmaqla bir repozitarın lokal bir versiyasıdır
- remote (məsafədən idarə olunan): GitHub-da bütün komanda üzvlərinin istifadə etdikləri ümumi bir repozitardır
- fork (nüsxə): GitHub-dakı fərqli istifadəçiyə məxsus bir repozitar nüsxəsidir
- pull request (dəyişikliklərin qəbul edilməsi sorğusu): bir budaqda təqdim olunan fərqləri müqayisə və rəylər, şərhlər, inteqrasiya olunmuş testlər və s. ilə müzakirə etmək üçün bir yer
- HEAD: cari işlədiyiniz qovluğu təmsil edir. HEAD göstəricisi
git checkoutistifadə edilərkən müxtəlif budaqlara köçürülə bilər.